го (зам.) - искористи (гл.)

Ако тие потребности на поданиците не се зачуваат и ако Турција продолжува да биде неискрена во прилагањето на реформите, тогаш од тоа ќе: настрада најмногу пак таа: 1/ таа ќе биде принудена со сила да воведе некои реформи, 2/ ако и потоа населението не биде оградено во национално-религиозен и економски однос, тогаш тоа ќе го искористат непријателите на Турција да направат брканица во Македонија за да ловат риба во матна вода.
„За македонцките работи“ од Крсте Петков Мисирков (1903)
Волкот изеде ждребиња, телиња, јагниња, јариња — како секоја година и секаде, но Стале го искористи овој материјал и помогнат од вдовицата Трна ги наплаши селаните да почнат со подготовките за манастирот.
„Крпен Живот“ од Стале Попов (1953)
— Ами како го втаса ковчегот, мори орјатко? — продолжувзше со прашањето Доста да разбере и да го искористи и таа овој марифет, да ја научи и ќерка си Божана.
„Крпен Живот“ од Стале Попов (1953)
Фатил пријателство со мулазимот од кашлата, со ќатипот од конакот, та дури и со стариот Мудур Арслан — беј; и зошто овие ќе го искористат овој млад човек ако не за кодошлак кај мариовките?
„Крпен Живот“ од Стале Попов (1953)
Луман го искористи тоа за да си ја сврши работата по која беше дојден кај Бошка Манев.
„Луман арамијата“ од Мето Јовановски (1954)
Тогаш Ајша сакаше да го искористи во наговорувањето, затоа, по свршената работа доцна навечер, не забораваше да и натолчи: – Потурчи се, мори будалче, потурчи се да живееш како нив. Ем уште поарно.
„Калеш Анѓа“ од Стале Попов (1958)
Побрза да го искористи случајот, додека другите спиеја, да се расправи со Аргира.
„Бојана и прстенот“ од Иван Точко (1959)
Оние луѓе гледаа да го искористат кусото време на одморите за да ја заситат малку својата глад, а тој - за да поработи, и тоа се повторуваше секој ден.
„Белата долина“ од Симон Дракул (1962)
Братучедите го искористија моментот и јурнаа кон него со кренати раце повторувајќи: - Се предаваме! Се предаваме! ...
„Будалетинки“ од Мето Јовановски (1973)
Па така, времето што му остануваше до вечерта, Бојан го искористи да погледне уште еднаш насекаде, да измете, да среди, иако немаше многу што да поправа, да преместува.
„Бојан“ од Глигор Поповски (1973)
Секој брзаше нешто да купи, да го искористи намалувањето, а тоа за некои стоки беше извонредно големо...
„Патувања“ од Никола Кирков (1982)
Навистина е тешко да се искаже сето она што овде човек го чувствува од убавините што ги подарила природата - чист планински воздух, и токму тоа досетливиот белгијанец го искористил на овие места да прави таканаречени „бели“ летувалишта.
„Патувања“ од Никола Кирков (1982)
Инаку, највисокиот врв на ЕКСПО организаторите успеале да го искористат за продажба на сувенири - пред сè во знак на Атомиумот.
„Патувања“ од Никола Кирков (1982)
Дека тоа можат да го искористат Италијанците во својата пропаганда?
„Постела на чемерните“ од Петре Наковски (1985)
Времето е толку кратко што таа мораше да го искористи. И истовремено да не брза.
„Балканска книга на умрените“ од Мето Јовановски (1992)
Што се однесува до другите групи и автори нивното приближување кон country повеќе е неочекувано нападно отколку шокантно. Bob Mould го искористи одморот во работата со групата Sugar за да, во потрага по инспирација, привремено се пресели во Austin, Texas, новата мека на country музиката; Kim Deal од The Breeders и Donita Sparks од L7 ги истакнуваат Dolly Parton и Patsy Cline како свои неприкосновени хероини; Henry Rollins ќе ја вклучи Елвисовата “Love Me Tender” на својот нов албум, а песните на Frank Black, Mark Lanegan и Chris Cornell (The Soundgarden) ќе се најдат на новиот албум на Johnny Cash.
„МАРГИНА бр. 1“ (1994)
Но, Дишан оди многу подалеку, бидејќи предвидувајќи ги различните субјективни реакции на набљудувачот како соучесник и творец на уметничко дело, тој ја задржува контролата, па дури го искористува самиот набљудувач.
„МАРГИНА бр. 8-9“ (1994)
Американските синеасти кои почнаа по 1930-та дури не се ни обидоа да го искористат десеттиот дел од теоријата која ја разви Грифит, и не ми се чини претерано ако напишам дека, од пронаоѓањето на звучниот филм, Холивуд не даде ниту еден голем визуелен темперамент, со исклучок на Орсон Велс (Orson Walles).
„Маргина бр. 21“ (1995)
Многу млади се свесни за својата потенцијална политичка моќ и тоа и го искористуваат.
„МАРГИНА 22“ (1995)
Ако полицајците ја здогледаат Американката, ќе ни подарат уште еден час, да го искористиме.
„МАРГИНА бр. 26-28“ (1996)
Сега, ако нешто е типично, може ќе го искористам - ако не е, тогаш нема.
„МАРГИНА бр. 37“ (1997)
Маргина 35 49 Hildegard Brenner “УМЕТНОСТА И ПОЛИТИКАТА” енциклопедиска одредница На националсоцијализмот му припаѓа сомнителната заслуга: тој ја осозна социјалната активност на “уметноста” и направи единствен обид во историјата на модерното раководење со државата, подрачјето на уметноста техно-владеачки да го искористи, односно да го употреби за сопствени цели.
„МАРГИНА бр. 35“ (1997)
Од друга пак страна, обвинувањето на Шегвиќ за заразниот материјализам и марксизам Крлежа спремно го прифатил, уште повеќе, го искористил за отворено да се легитимира во својот материјалистичко-марксистички светоглед.
„МАРГИНА бр. 35“ (1997)
Согласно со неговото толкување, 20-иот век би требало да го зацврсти тоа раздвојување и да го искористи.
„Маргина бр. 36“ (1997)
Стјуардесата го искористи неговото присуство и, сосем малку, се оддалечи.
„Омраза - длабоко“ од Драгица Најческа (1998)
Ако е пак во добро расположение, ќе почне да бара низ фиоките и јас тогаш ќе го искористам моментот и убаво ќе разгледам што учи.
„Игбал, мојата тајна“ од Јагода Михајловска Георгиева (2000)
Додека бевме во Урошевац заедно со Штабот на дивизијата и приштапските единици, балистите планинареле тоа да го искористат и да нè нападнат.
„Три жени во три слики“ од Ленче Милошевска (2000)
Бидејќи токму тогаш татко ми беше на Кожуф Планина јас си реков да го искористам неговото отсуство за постење тримери и ги наговорив девојчињата.
„Три жени во три слики“ од Ленче Милошевска (2000)
Оти беше точно: јас немав спиено со жена, и Луција го виде тоа; го искористи тоа за да ми се потсмева, да ми врати за понижувањето.
„Папокот на светот“ од Венко Андоновски (2000)
Извини, сè ова што сега го велиш и што ќе го кажеш и другпат во врска со таа побуна на жените, можеби е и точно; можеби твојата Партија умеела да го искористува народниот гнев и тоа во полза на народот, но не смееш да го одречеш и тоа, дека нигде не е запишан ќотекот што таа иста вечер го изела Рајна.
„Жената на белогардеецот“ од Србо Ивановски (2001)
Но најсериозно мислам дека сè она што им е потребно на луѓето, Партијата најнапред ќе го искористи за себеси, а луѓето ќе ги остави малку да попричекаат.
„Жената на белогардеецот“ од Србо Ивановски (2001)
А она, дека некој друг сето тоа го искористи тоа е друга приказна.
„Жената на белогардеецот“ од Србо Ивановски (2001)
Да беше умешен и да знаеше да управува со своите слабости, веројатно ќе можеше да им се наложува на сите оние кои идеа кај него само со една единствена цел, да го искористат.
„Жената на белогардеецот“ од Србо Ивановски (2001)
„Еве“, му рече. „Ти донесов фотокопија од еден документ што јас не можам да го искористам, но се сетив дека тебе како на писател можеби ќе ти биде интересен...“
„Продавница за љубопитните“ од Мето Јовановски (2003)
Властите, коишто и без тоа се сомневале во него и во неговите другари дека се членови на Организацијата, без двоумење можеле да го искористат тој факт и да го прогласат за член на Гемиџискиот кружок.
„Солунските атентати 1903“ од Крсте Битоски (2003)
Националните и пропагандните разлики се повлекоа и Комитетот во секој случај не ќе пропушти да го искористи таквото расположение на христијаните.
„Солунските атентати 1903“ од Крсте Битоски (2003)
Кога открив дека сме заедно слушнав како ѝ велам дека не смее да го искористува моето невнимание.
„Летот на Загорка Пеперутката“ од Србо Ивановски (2005)
Наеднаш ми се роди лудата идеја да го искористам моментот кога ќе ја отклучува месарницата.
„Летот на Загорка Пеперутката“ од Србо Ивановски (2005)
Имаше време кога мислев дека мојот живот би немал вредност доколку не го искористам за да ја извршам мисијата што ми ја довери Господ Исус: да им ја проповедам на луѓето Радосната Вест за Божјата милосрдна благонаклоност...
„На пат кон Дамаск“ од Елизабета Баковска (2006)
6. Некаде помеѓу годишните одмори и театарската сезона, додека во бифето не почнаа да се прибараат неговите постојани посетители, Горда го искористи тој мртов период и едноставно ја снема од градот; но, впрочем, тоа беше за ден - два.
„Синовски татковци“ од Димитар Солев (2006)
Се стресе од страв и паниката веќе го искористи мигот, па завладеа со него.
„Еп на Александар Македонски“ од Радојка Трајанова (2006)
Албанија не ги подотвори границите, не го искористи историскиот момент да се отвори кон слободна Европа. Таа уште повеќе се затвори.
„Ервехе“ од Луан Старова (2006)
Второто навраќање на Боге од Бањи, само за да проверел колку ми напреднала работата, го искористив за да му го соопштам моето мислење дека изгледа токму бабите се најдобро информирани за однесувањето, дејствијата и последиците на смртта.
„Синот“ од Србо Ивановски (2006)
Дека беше во прашање зависта сфатив кога реши да го искористи случајов и да ме замеша во разговорот и мене.
„Синот“ од Србо Ивановски (2006)
- Може да се случи да вечераш со некого кој, откако ќе го примиш в друштво, ќе се обиде да го искористи тоа.
„Синот“ од Србо Ивановски (2006)
Како гостин јас имав предност прв да одам во тоалет, така што сепак измокрив седејќи на шолјата, потоа си ги измив забите и лицето, па си легнав, чекајќи сите истото да го сторат, вклучително и тетка ми која веројатно ќе го исчистеше тоалетот откако и сама ќе го искористеше.
„Чкртки“ од Румена Бужаровска (2007)
И тоа што учел им дојде згодно на пријателите на Борко да го искористат и да можат да кажат Симон да биде чувар. Земаше редовна плата за тоа.
„Братот“ од Димитар Башевски (2007)
Втората, Линда Еванс (Кристл) својот лик во Династија го искористи за понатамошна специјализација во правец на слични улоги.
„Филтер Југославија“ од Константин Петровски (2008)
После паузата, го искористи првиот момент за разговор и веднаш ми рече: - Човекот мора да работи – без тоа животот е празен.
„Ветришта“ од Радојка Трајанова (2008)
Почна да му се врти во глава мислата дека освен за дијамантот, старецот ќе го искористи и за други работи, за гатање судбини на други луѓе, од гатање може многу да се добие!
„Мудрецот“ од Радојка Трајанова (2008)
Тоа го искористил Хрс кој ја проширил својата територија се до Полог.
„Џебна историја на македонскиот народ“ од Група автори (2009)
Во исто време навлегувањето на крстоносците го искористил и рашкиот жупан Немања кој навлегол во Македонија и ги освоил македонските средновековни градови: Градец во Горни Полог, Лешок во Долни Полог и Скопје.
„Џебна историја на македонскиот народ“ од Група автори (2009)
Тоа го искористил византискиот император Алексеј I кој со големи воени сили го освоил Костур.
„Џебна историја на македонскиот народ“ од Група автори (2009)
Сакајќи да го искористи незадоволството што се појавило кај елинските градови-држави против Рим, Персеј со своите активности придонел за заладување на односите меѓу Рим и Македонија.
„Џебна историја на македонскиот народ“ од Група автори (2009)
Тоа го искористил Антигон III Досон и повторно ја наметнал македонската власт над Пелопонез.
„Џебна историја на македонскиот народ“ од Група автори (2009)
Кратко затишје настанало со мирот од 346 г. п. н. е. што го искористил Филип II за да изврши подготовки за конечна пресметка со Атина и елинските градови-држави.
„Џебна историја на македонскиот народ“ од Група автори (2009)
Тој го искористил слабеењето на елинските градови-држави за да ја зацврсти својата власт.
„Џебна историја на македонскиот народ“ од Група автори (2009)
Махмуд Дарвиш беше свесен дека пред себе нема љубопитен новинар кој би го искористил неговото присуство за ексклузивно интервју туку човек, писател и поранешен дипломат кој ја споделува на еден посебен начин судбината на неговиот народ, како дел од човековата судбина...
„Амбасади“ од Луан Старова (2009)
Прво, ова право ќе се материјализира само ако тоа го предвидува статутот на друштвото и, второ, во случај мнозинството вработени да не донесат одлука да не го искористат ова право.
„Обезвреднување на трудот“ од Савески, Апасиев, Ковачевски, Василев (2010)
Исто така, се предвиде можноста, во случај корисникот на попустот да го искористи правото за исплата на остатокот од продажната цена на акциите, односно уделите, да се стекне со правото на дополнителен попуст согласно одред- бите од овој закон (чл. 2, ЗИДЗТПОК/дек.99).
„Обезвреднување на трудот“ од Савески, Апасиев, Ковачевски, Василев (2010)
Оној кој е подбркан од судбината, независно од тоа кој пат ќе го искористи за да исчезне, не може да се ослободи од прогонувачот, постојано ќе го чувствува неговиот здив на вратот, дури и тогаш кога тој прогон ќе го прогласи и за проклетство што којзнае како му се присламчило па во чекор го следи, барем така го чувствува лично тој иако знае дека помеѓу него и прогонувачот се протега добар дел од пуста и неосветлена улица.
„Желките од рајската градина“ од Србо Ивановски (2010)
Реков: дозволете ми да го искористам моментот и да ви предочам барем еден дел од мојата судбина.
„Желките од рајската градина“ од Србо Ивановски (2010)
Бидејќи вакви теренски испитувања се значително ретки во нашата држава, покрај првичната цел поврзана стриктно со конкретниот судски спор кој е во центарот на нашата анализа, гледавме ова истражу- вање истовремено да го искористиме и за прибирање податоци „од прва рака“ во врска со [не]запознаеноста на работниците за низа, навидум стручни, а всушност секојдневни прашања со кои тие се среќаваат на работното место (на пример: дали знаат како се формира синдикат на ниво на работодавач?; дали се запознаени како тече процедурата за организирање штрајк?; дали имаат информации за корупција кај трудовата инспекција? и сл.).
„Работни спорови - Позитивни примери од судската пракса“ од Димитар Апасиев (2011)
Ја напишав најнапред без да посветам многу внимание на споредните работи, важно ми беше да го искористам моментот за да ја пренесам мојата мисла на хартија, па откако сето тоа го направив се навраќав неколку пати да го препрочитам напишаното.
„Седум години“ од Зорица Ѓеорѓиевска (2012)
Полицајката тоа го искористи и тоа беше капак на сè.
„Полицајка в кревет“ од Веле Смилевски (2012)
Импулсивен хаос, адекватно време за умните, кои тоа добро знаат да го искористат.
„Читај ми ги мислите“ од Ивана Иванова Канго (2012)
Од друга страна, Британската влада зазела сосема игнорантски став спрема НОД во Албанија, Југославија и движењето на отпорот во Грција, а тоа го искористил СССР, кој "покажал каде лежат нивните интереси".
„Македонија низ нишанот на САД и Британија“ од Тодор Чепреганов (2012)
Неговото присуство Константин Фотиќ се обидел да го искористи во пропагандни цели, со единствена цел, да го актуелизира повторно Дража Михаиловиќ во американското општество.
„Македонија низ нишанот на САД и Британија“ од Тодор Чепреганов (2012)
Сето тоа заедно Британија настојувала внимателно да го следи и во одделни моменти да го искористи за остварување на своите стратегиски цели.
„Македонија низ нишанот на САД и Британија“ од Тодор Чепреганов (2012)
Ја погледна Херкулина. Таа го искористи моментот за да покаже кон својот рачен часовник и да го потсети дека времето за посета истекло.
„Црни овци“ од Катица Ќулавкова (2012)
Ако не друго, групата на Дарко секако ќе се потрудеше да го искористи Александар за да инфилтрира свој човек во Секретаријатот за информации.
„Браќата на Александар“ од Константин Петровски (2013)
Но, мораш да го искористиш патоказот кој ти го нудам. Отсега продолжуваш сама“.
„Последната алка“ од Стојан Арсиќ (2013)
Во едно од неколкуте утра додека Томо замина да ги оптегне нозете, Јана го искористи мигот кога со Рада останаа сами.
„Последната алка“ од Стојан Арсиќ (2013)
Времето го искористи за прошетка низ градот.
„Последната алка“ од Стојан Арсиќ (2013)
Тогаш другите тоа неединство во партијата веднаш ќе го искористат во своја полза.
„Знаеш ли да љубиш“ од Ивана Иванова Канго (2013)
Притоа, ако јас бев како другите девојки ќе го искористев да дознаам што повеќе работи за Стомачето, па истите да си ги употребам како уцена во врската, сѐ со цел јас да бидам во предност.
„Знаеш ли да љубиш“ од Ивана Иванова Канго (2013)
Знаев дека тоа што ме немаше петнаесет минути и што се наоѓам во езерото далеку од нивниот поглед ќе го искористи за да му ја преведе пораката.
„Знаеш ли да љубиш“ од Ивана Иванова Канго (2013)
Со воведувањето на оваа обврска на директорот на училиштето, сериозно се нарушува правото на штрајк на вработените во основното и средното образование, бидејќи тоа ги одвраќа вработените да го искористат своето право на штрајк поради страв дека ќе го изгубат работното место, а исто така преку оваа одредба сериозно се доведува во прашање ефективноста на штрајкот како мерка која им стои на располагање на вработените за заштита на своите права.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Ваквата формулација отвора простор за дополнителни притисоци кои работничката, отсутна поради бременост или родителство, би можела да ги трпи од страна на работодавачот, пред се, ако тие решат да се спротистават на хегемонијата на волјата на „газдата“ и се одлучат да го искористат ова свое загарантирано право тогаш кога тие сметаат за потребно; ● четврто, се воведе право на неплатено родителско отсуство на работничката заради грижа за детето, до три месеци, по завршување на отсуството од работа поради бременост, раѓање и родителство до периодот да наршување на тригодишна возраст на детето.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Доколку новороденото дете, поради здравствени причини е задржано за нега или лекување, а во меѓувреме мајката или таткото се вратиле на работа, нивното отсуство поради раѓање и родителство се прекинува, со тоа што тие имаат право да го искористат неискористениот дел од законски загарантираното отсуство.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Ваквото алтернативно толкување на когентни (ius cogens) и императивни норми со останатите законски субординирани прописи е класичен пример за противуставност и авторите на оваа студија сериозно размислуваат да го искористат своето уставно загарантирано право и поднесат претставка до Уставниот суд на РМ, како споменатите норми во иднина би можеле да биде касирани.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)