трговија (ж.)
Уредента, со чекор на човек што управува голема трговија, од стариот напуштен автомобил излезе Баждар и се протегна слеп од силното летно сонце.
„Улица“
од Славко Јаневски
(1951)
Му донесе дедот Петко осум стотини парчиња „мувлосани", да ја прошири Мице трговијата.
„Крпен живот“
од Стале Попов
(1953)
А и луѓето ја прифатија таа трговија.
„Луман арамијата“
од Мето Јовановски
(1954)
Мажот ѝ често одеше во Солун по трговија и таму престојуваше со недели.
„Пустина“
од Ѓорѓи Абаџиев
(1961)
- Така е тоа, кога човек се занимава „со трговија“ - се пошегува Доне.
„Гоце Делчев“
од Ванчо Николески
(1964)
Вака ни трговија врви, нити се живот живее...
„Гоце Делчев“
од Ванчо Николески
(1964)
- Добро, синко... Што можам да правам, кога од тебе не можев да направам наследник во трговијата, - зажали татко му.
„Гоце Делчев“
од Ванчо Николески
(1964)
Но кога виделе дека трговијата оди добро и дека чесно им се плаќа, тие од ден на ден сѐ повеќе се зближувале меѓу себе, се засакале и се спријателиле.
„Дружината Братско стебло“
од Јован Стрезовски
(1967)
Да не мислиш да бркаш валијата од Битола?
„Толе Паша“
од Стале Попов
(1976)
И почна да зборува: — А бре, Толе и ти Трајко — (го позна и Трајка).
„Толе Паша“
од Стале Попов
(1976)
А тоа се случи она време околу деветстотата година кога Профим одеше по трговина во Албанија.
„Свето проклето“
од Јован Стрезовски
(1978)
Но, во овие велесаемски дни Лајпциг не го привлекуваше вниманието само со саемските хали и простории, со машините и техниката, со изложбите на книги и да детски играчки, со трговијата и размената, со банкетите и честењата, со деловните контакти и сувенирите, со купувачите во модерните стоковни куќи.
„Патувања“
од Никола Кирков
(1982)
Трговијата со порнографија и со евтина секси булеварска литература, која овде, на „Пигал“, се продава на секој чекор, ја немаат во свои раце Французите.
„Патувања“
од Никола Кирков
(1982)
Второто „К“ поврзано со колонска вода Во светот е позната познатата келнска колонска вода и затоа Келн, инаку град на индустријата и трговијата, во цела Европа и надвор од неа го носи знамето на „4771“, а покрај овој број задолжително стои натписот „Келнише васер“.
„Патувања“
од Никола Кирков
(1982)
Што не стори татенцето да дојде до сликовницата, што не истрга од појасот, речиси сета трговија ни ја опљачка, но до сексот никако не успеваше да стигне.
„Големата вода“
од Живко Чинго
(1984)
Плашејќи се одново да започнат со веќе ризичната трговија, и не сакајќи да ги изложат животите, истата година се доселија на Имотот.
„Потковица на смртта и надежта“
од Миле Неделкоски
(1986)
И покрај постојаната политичка борба во Сенатот, секојдневните подлости на политичките соперници, тој во Политиката го наоѓаше сублимирано токму разнообразното задоволство на својата култура во која трговијата, измамата, вештиот збор беа и опстанокот и уметност.
„Пловидба кон југ“
од Александар Прокопиев
(1987)
- Тоа се луѓе - еснафи. Јас цел живот имам работено во трговијата, по дуќани, добро ги познавам.
„Јас - момчето молња“
од Јагода Михајловска Георгиева
(1989)
Otto Hahn: „Некои луѓе сметаат дека авторизирајќи ја репродукцијата на вашите редимејди, го негирате својот херојски став со презир кон трговијата, став кој го држевте четриесет години; со други зборови го уништивте митот. Марсел Дишан: Ах, се жалат, квичат! Мораат да кажат: „Тоа е страшно, подлост, срам.“ Ќе им одговара да ме затворат во категорија, во формулар. Но тоа не е мојот дух.
„МАРГИНА бр. 4-5“
(1994)
Во Европа, сѐ поголем број луѓе се приведуваат секоја година за трговија со кет.
„МАРГИНА бр. 8-9“
(1994)
