рапорт (м.)
И еден убав априлски ден си го јавна својот Белче, си ја поведе „невестата" Митра по него и му отиде на поп Ристета на манастирот.
„Толе Паша“
од Стале Попов
(1976)
Требаше да се направи една „блиц“ посета - и еден „рапорт“ за сите оние морски одморалишта и летувалишта - хотели, кампови и диви плажи, кои што стотици илјади наши луѓе ги опседнуваат секое лето.
„Патувања“
од Никола Кирков
(1982)
Со десната рака, иако можело да се поверува дека предава рапорт за состојбата на стивнатата околина, го придржувал фесот.
„Тврдоглави“
од Славко Јаневски
(1990)
Боро од Неготино ни беше референт по оружје, знаев дека честопати им ги земаше пушките на партизаните што се на стража па потоа ги клеветеше кај командантот на дивизијата, и нормално, тој ги викаше потоа на рапорт.
„Три жени во три слики“
од Ленче Милошевска
(2000)
А можеби во моментов диздар-агата дава рапорт за состојбата на бедемите? За портите?
„Вежби за Ибн Пајко“
од Оливера Николова
(2007)
Го пречекав бродот Галеб како Титов амбасадор, односно негов претставник, пред кого беше построена морнарската гарда и го примав рапортот на командантот.
„Амбасади“
од Луан Старова
(2009)
Личноста кон која беа упатувани овие рапорти, требаше веднаш да се сетам, беше лично Величковски.
„Желките од рајската градина“
од Србо Ивановски
(2010)
- Молк! Тишина! Сите ќе ве пријавам на рапорт! Тишина!
„Големата удолница“
од Петре Наковски
(2014)
И да му кажиш на десетарот утре да ми се јави на рапорт.
„Големата удолница“
од Петре Наковски
(2014)
