попречен (прид.)

- Фармерки, види ги што се убави, од кадифе, со попречни линии!
„Патувања“ од Никола Кирков (1982)
Меѓу нас – двонасочно попречено движење – триста и педесет разметливи минувачи, автомобили.
„Младиот мајстор на играта“ од Александар Прокопиев (1983)
„Свртуваш лево, потоа десно, и повторно лево. А на портата и недостига горната попречна греда“.
„1984“ од Џорџ Орвел (1998)
Се овиснува на попречното железо по средината на вратата и фрла опул на едната и на другата страна од композицијата.
„Исчезнување“ од Ташко Георгиевски (1998)
„Беше тоа пред три години. Беше темна ноќ, во една тесна попречна улица, во близина на една од големите метро станици.
„1984“ од Џорџ Орвел (1998)
Па сепак..! Се сети како шеташе еднаш низ една улица полна со народ, кога ужасна викотница од стотици грла - женски грла - експлодира од една попречна улица малку подолу.
„1984“ од Џорџ Орвел (1998)
По некое време повторно скршнавме во некоја од попречните улички.
„Игбал, мојата тајна“ од Јагода Михајловска Георгиева (2000)
Слеп и глув, навистина, празен како празнана лејка што виси на ќошот од попречната греда на балконот.
„Бунар“ од Димитар Башевски (2001)
Но бидејќи полека се навикнуваше на мракот, со двете раце се држеше за ременот од пушката што му беше обесена на рамо, главата ведната и мислите или во гаражата на мајсторот Ратко или на корзо каде што во Охрид беа девојките, тој просто полека, нога за нога, шеташе од аголот на училишната зграда до попречениот ѕид обраснат во капини и назад.
„Продавница за љубопитните“ од Мето Јовановски (2003)
Стариот прво го тргна попречното железо, а потоа ја преврте и клепашката.
„Продавница за љубопитните“ од Мето Јовановски (2003)
За акумулацијата ќе се користеле водите од Мелошката Река, потоа од Гаровица, од двете мали реки што доаѓаат од Сарајаново, од потокот што врви крај Долнец, а со еден попречен канал ќе се собереле водите и од Сината Планина.
„Братот“ од Димитар Башевски (2007)
Траверза- препречница, која како попречен бедем се спротиставуваше на секој отпор, при тоа препречена во ходникот на животот му се спротиставуваше, истовремено потпирајќи го како негов главен р`бет, столб на кој животот се држеше.
„Ветришта“ од Радојка Трајанова (2008)
Бешир минуваше и низ црвени семафори откако ќе забележеше дека немаше коли од десната и левата страна на попречниот пат! Никогаш не возел побрзо!
„Амбасади“ од Луан Старова (2009)