никојпат (прил.)
Автономна Македонија, како пат по којшто ќе се дојде до соединувањето на Македонија со Бугарија, Србија никојпат не ќе ја допушти.
„За македонцките работи“
од Крсте Петков Мисирков
(1903)
Спасот никојпат нема да ни дојде од пропагандите, зашто ако е денеска едната посилна – утре ќе стане и другата таква, а првата ќе ослабне.
„За македонцките работи“
од Крсте Петков Мисирков
(1903)
Власите и нашиот народ се разликуваат по јазикот, носијата, карактерот, така што никојпат Власите не можат да претендираат на наши села; исто така никојпат ние не сме кажувале оти влашките села се наши.
„За македонцките работи“
од Крсте Петков Мисирков
(1903)
Кој во други дела или фрагменти од тие дела, одделно од „Логиката“, го сфаќа или го присвојува Хегел, тој никојпат не го разбрал.
„Значењето на Хегеловата филозофија“
од Кочо Рацин
(1939)
Хегел никојпат не тврдел дека човечкиот субјективен „светски разум“ го создава движењето на категориите на „објективизираниот апсолутен дух“ во природата или општеството (неговата дијалектичка филозофија го признаваше приматот на надворешниот, „објективизираниот светски разум“ над самоспознатиот, „субјективниот разум“ кај човека), туку верувал дека во неговата филозофија „апсолутниот дух“ се „самоспознал“.
„Значењето на Хегеловата филозофија“
од Кочо Рацин
(1939)
Затоа таквата логика никојпат не можеше да го замисли „самодвижењето“, туку простото механичко движење на идентични, себеси рамни ствари и категории, под влијание на надворешна „сила“ или божество.
„Значењето на Хегеловата филозофија“
од Кочо Рацин
(1939)
Земјо, зар не збунува присуството на таа жила што нѐ дели никојпат да не нѐ раздели?
„Вардар“
од Анте Поповски
(1958)
Времиња никојпат не ве напуштил, никојпат не ќе пресуши нашиов вруток- Непокор.
„Вардар“
од Анте Поповски
(1958)
Стални ме, во твоите корени скри ме никојпат да не се разделиме.
„Вардар“
од Анте Поповски
(1958)
„Ех, вака убаво листенце никојпат не сум нашла!“ - рече.
„Градинче“
од Бистрица Миркуловска
(1962)
Никојпат не сум ги видел млади тие луѓе, откако знам за себеси и откако знам за нив.
„Пиреј“
од Петре М. Андреевски
(1983)
Онаа песна до бесконечности продолжува Зашто никојпат не е таа сама: сама се чита – сама се пишува: Сама себеси врата – сама себеси клуч
„Ненасловена“
од Анте Поповски
(1988)
Му ја раскажав случката, а потоа му ветив дека никојпат веќе нема да правам такви шеги.
„Прва љубов“
од Јован Стрезовски
(1992)
Никој не можеше да поверува дека, само неколку дена по парадата на денот на победата, на овој ист плоштад ќе продефилираат козите...
„Времето на козите“
од Луан Старова
(1993)
Додека голтав, тој ми кажуваше како едната птица едно утро одлетала и веќе никојпат не се вратила, а другата, од тага, со клунот си ги раскинала градите и оттаму си го откорнала срцето.
„Сестрата на Сигмунд Фројд“
од Гоце Смилевски
(2010)
