неизвесен (прид.)
Баждар се изгуби, нè остави во шепите на неизвесната судбина, а Пенчо се превиткуваше пред силната жена чиј спокоен и мек глас ме доведуваше до треска.
„Улица“
од Славко Јаневски
(1951)
Светот, оној свет чии чела грижата ги изора со плугот на неизвесноста, очекуваше уште многу топлина од сонцето.
„Улица“
од Славко Јаневски
(1951)
Имам пријатели што идат кога сум сам и глуво легло на неизвесноста вијам.
„Слеј се со тишината“
од Ацо Шопов
(1955)
Замелушен од тешкиот, сега јасен жиг на настанот, од планинската самотија, од неизвесноста, се чувствуваше како ненужно црно стебло на нечиј пат.
„Две Марии“
од Славко Јаневски
(1956)
Тој беше добар баритон, благ, човечен, што како неголем бран се крева и се спушта пловејќи кон неизвесност.
„Кловнови и луѓе“
од Славко Јаневски
(1956)
Заборавен вишнеам на овој црн каменест пристан со крепкост за да ја хранам неизвесноста врз мене на мојата кора пластје напластиле заплашувањата но секојпат суров бев кон слабото.
„Вардар“
од Анте Поповски
(1958)
„Регистрирај ме како независност.“ „Или можеби како неизвесност?“ „Како сакаш“ , рече првата кртост.
„Месечар“
од Славко Јаневски
(1959)
А неизвесност е само колку години ќе те надживеам. Тебе, моја крв и моја отуѓеност.
„Месечар“
од Славко Јаневски
(1959)
Песната на најтажната разделба, кога се оди во тешка неизвесност.
„Бојана и прстенот“
од Иван Точко
(1959)
Неизвесност, се сети. Во него нарасна горчлив прилив. Но ништо, другар брат, не е неизвесност.
„Месечар“
од Славко Јаневски
(1959)
И пак се нафрлува на карпата. Започнува битка, тешка, неизвесна и без крај.
„Пустина“
од Ѓорѓи Абаџиев
(1961)
Стрела беше крај него, со крената глава, спрчнати уши, споделувајќи ја со својот господар неизвесноста и безнадежноста на чекањето.
„Бојан“
од Глигор Поповски
(1973)
Веќе копнееше за човечки збор, за нежна мајчинска грижа, за топлиот светол дом, за училиштето кое сигурно веќе почнало да работи, за другарите кои го чувствуваат неговото отсуство и ги пече неговата неизвесна судбина, но колку повеќе им се предаваше на мислите, колку повеќе се пушташе тие да го водат, толку повеќе го разјадуваше немирот, па стана, иако уморен, се фати за секирата и го почна својот двобој со Јурукот.
„Бојан“
од Глигор Поповски
(1973)
Реши да се пробие преку Гола Глава. Го копкаше неизвесноста, го болеше судбината на дедо Иван.
„Бојан“
од Глигор Поповски
(1973)
Оската заглавена мисли на неизвесниот пат низ дрвјата.
„Липа“
од Матеја Матевски
(1980)
Песната ненадејно престанувше и тогаш во физиономиите на девојките се откриваше тагата и неизвесноста...
„Патувања“
од Никола Кирков
(1982)
На секој предмет паднала голема неизвесност и чекање.
„Големата вода“
од Живко Чинго
(1984)
Но, покрај многуте неизвесности, неизвесно е и тоа: како се случило, кој им го оставил во завет на овие православни верници, на денешниве жители на Потковицата, да го честуваат она инородно светилиште, Латинска Црква?
„Потковица на смртта и надежта“
од Миле Неделкоски
(1986)
Секој ден е... - Знам, докторе, дека секој ден е голем и скапоцен, особено кога треба да се напушти овој свет, но врвејќи го животот во неизвесност - сите денови ми беа како последни...
„Јанsа“
од Јован Стрезовски
(1986)
Си го брецаа умот луѓето не знаејќи што да заправат; да останат или да се отселат; ако се отселат, каде ќе одат, каде ќе закуќуваат куќа, од што ќе живеат; ако останат: ќе ги врват деновите во неизвесност, во страв...
„Јанsа“
од Јован Стрезовски
(1986)
