монашки (прид.)
Собата беше празна како монашка келија.
„МАРГИНА бр. 32-33“
(1996)
Јас се израсплакав, не знам дали оти го видов во монашка одежда или оти однапред го доживеав она што ќе го доживее Лена, кога ќе му го чуе гласот.
„Братот“
од Димитар Башевски
(2007)
Ова е првиот, ноќен час, според бенедиктинскиот распоред на времето и должностите - посветен на Речта, солилоквијска, келијско-самичка, осаменичка, калуѓерска, монашка
„Ерато“
од Катица Ќулавкова
(2008)
Монашки нишан:
сведоштвото на Лука Блажениот 29
„Има нишани што ги следиш
од рано детство
без да знаеш зошто:
- се будиш предзори
додека сосема не се повлекла
глувата сенка на ноќта
кога сѐ е разбиено на безброј дробни честички
сетен ситнеж кој подоцна ќе се склопи
во запрепастувачки складен
и топол мозаик, во фрески
по ѕидовите, по подот, на сводот
и сеќаваш
кревкото, кршливото
порозното, обезличеното
се преобразува во својата виша смисла
и ти се обзнанува:
ни еден слом не е алогичен!;
- тукушто си пркнал
уште дете, стануваш аскет
и заминуваш незнајно каде
само (посакуваш!) да биде тивко, молебно
створено и од природата, и од човека
за деноноќно бдение
за созерцание, вертикално понирање
на веда - од небеса до подземи
за живеење со жиг и жедба на монах
ни горе-ни долу
повеќе таму, одошто овде
„Ерато“
од Катица Ќулавкова
(2008)
Во црквата немаше глас, само аскетска монашка тишина.
„Последната алка“
од Стојан Арсиќ
(2013)
Едноставно, монашки се помири со судбината, препуштајќи ѝ се на иднината.
„Последната алка“
од Стојан Арсиќ
(2013)
