коцка (несв.)
12. НЕ МЕНУВАЈ ГО ЗБОРОТ КАКО ВРЕМЕТО ВО МАРТА - ново правило не е воведено во играта стара за во следната тура да ти се додели карта со која би го коцкал него како ситна пара...
„Куршуми низ времето“
од Љупчо Стојменски
(1976)
- Битола е полна војски, велат лиферантите, проматарите, и офицерите само се коцкаат и само се курваат, велат.
„Пиреј“
од Петре М. Андреевски
(1983)
Првин наиде на сликата од бога, ја загледа и се намурти: господ беше седнат со ѓаволот на еден голем облак и се коцкаа: место пари - разменуваа луѓе. Се возбуди, пламна и ја искина.
„Јанsа“
од Јован Стрезовски
(1986)
А храброста ти била коцка: како да го свртиш зарот, на твое ќе излезе.
„Небеска Тимјановна“
од Петре М. Андреевски
(1988)
Тука исто така е и системот за коцкање, што го смислив за да добијам на рулетот во Монте Карло.
„МАРГИНА бр. 3“
(1994)
Се привикнав да постојам
ексклузивно, на Погибел
дури времето се мереше ноќе
како жена
дури со змијата ме споредуваа
со фалусот и ламјата
ја усовршив техниката
на помрачувањето, прељубата
немам причина да се натпреварувам
со луѓето, не ги обожавам идеите и предметите
како нив, но и мене ме застрашува
Диве, Ероте, песјата страна
на жедбата, ненаситоста, иштафот
и мене бесови ме беспокојат, лунки
Шејтане, постојано сакам нешто младо
- Новина, Полутка, Полнеж
устата ми запени од подигање удини
јазикот од каскање, чинки чинење
од вдахновение и празноверие
и мене ме плаши изгревот на зајдисонце
коцкањето со светлоста
за само три дена лажовен
три дена налуничав
три дена трикрак, троглав жив-отец
и мене ме тревожи што долго
веќе многу долго преврат нема
вртолун, бела ноќ
на мојов месечински, на твојот животински појас
вртелешко вселенска, машка анатемо
Сонце мое.
„Ерато“
од Катица Ќулавкова
(2008)
Помнењето е хазард
коцкање во кеш, сѐ или ништо
артикулација на митскиот образ
трема пред совршената форма
на праобразот, затоа запомнатото мами
колку и заборавеното!
„Ерато“
од Катица Ќулавкова
(2008)
Феноменот коцкање е многу интересна тема. Стоиш така пред рулетот и ти се накрева сета енергија, почнувајќи од гениталната чакра.
„Читај ми ги мислите“
од Ивана Иванова Канго
(2012)
Значи почна да ми раскажува како се коцкал.
„Знаеш ли да љубиш“
од Ивана Иванова Канго
(2013)
Сѐ што заработувал, дури и повеќе од тоа, трошел на коцкање и курви.
„Знаеш ли да љубиш“
од Ивана Иванова Канго
(2013)
Дека тој пие или се коцка повремено, а се курва постојано.
„И ѓаволот чита пРада“
од Рада Петрушева
(2013)
