карма (ж.)
И само што го остави букарот на воденикот, се поткачи на кармата од дрво, ја исправи главата на калето меѓу двете сливи и викна, како секојпат што си викаше.
„Крпен живот“
од Стале Попов
(1953)
Кој како идеше, ги фрлаше дрвата на кармата, се тргаше на страна и мирно застануваше, чекајќи го интересниот настан. Така објави телалот.
„Калеш Анѓа“
од Стале Попов
(1958)
И за неполн час се направи карма од петстотини товари дрва.
„Калеш Анѓа“
од Стале Попов
(1958)
Можеше само уште да ги гледа сите оние букови трупци, наредени во карма до тезговиот, готови да го заземат местото на оној пред бичкијата, како и целата таа просторија да имаше стеганати вилици како него, застанат во нејзината средина, уште еден ненужен дел, отповеќен дел.
„Белата долина“
од Симон Дракул
(1962)
Не праќаат редовно плати. Прави кој што сака. Карма – каша. Губиме војни. Живеам во меана.
„Диво месо“
од Горан Стефановски
(1979)
Пламенот крцка, се искачува уште понагоре и ја подзема кармата дрва.
„Пиреј“
од Петре М. Андреевски
(1983)
Карма се активностите кои тој ги прави во текот на своето живеење, за кои добива награди или казни.
„Мудрецот“
од Радојка Трајанова
(2008)
По звукот, звукот предавник,
се препознава
- Вардар е надојден.
Изворот е изгубен однапред
за оној кој бега од изворот
- како реката.
Рамнодушна
спрема времето
спрема колективната несреќа
спрема личната карма
спрема сè
надвор од неа.
„Ерато“
од Катица Ќулавкова
(2008)
Ги гледаа работите правилно поставени: знаеја за кармичкиот закон на космосот и неговите казни, за враќање на лошото, врза нив или нивните поколенија ако постапуваат лошо!
„Ветришта“
од Радојка Трајанова
(2008)
Кармата. Солта. Кој те крми, жедта не ти ја гасне.
„Ерато“
од Катица Ќулавкова
(2008)
Диви снимки. Ментален оргазам. Карма. Карактер. Од одамна не сум.
„Ерато“
од Катица Ќулавкова
(2008)
Кој не знае божја казна го чека А кој премногу знае ќе пати дури три века) Ако спремен ти си да признаеш вина штом гревови те стигнаа од кармата
„Сите притоки се слеваат во моето корито“
од Марта Маркоска
(2009)
Ова толку многу ми олесни да попуштам пред убедувањата да му станам животна сопатничка на мојот долгогодишен љубовник, најдобар пријател, музички соработник и веројатно кармички предодредена, повторно пронајдена, андрогина половина.
„Вител во Витлеем“
од Марта Маркоска
(2010)
Меѓу основните услови кои таа требаше да ги исполни беше нејзиното богатство да биде барем легално стекнато у минатото затоа што Трпе не сакаше да има работа со проклети пари и да го прогонуе лоша карма, а себеси се сметаше за суеверен.
„Двоглед“
од Горан Јанкуловски
(2011)
Доста од нив се славни личности, заради кармичката енергија во која се завиткани.
„Читај ми ги мислите“
од Ивана Иванова Канго
(2012)
Има карма која ме тера да се чувствувам слободна.
„Читај ми ги мислите“
од Ивана Иванова Канго
(2012)
Да, верувам во карма. После една година, се присетувам на сѐ што помина.
„Читај ми ги мислите“
од Ивана Иванова Канго
(2012)
Се борев со сите сили да останам доследна на својата карма. Сѐ на сѐ, зборот Божји е моја заповед.
„Знаеш ли да љубиш“
од Ивана Иванова Канго
(2013)
