исход (м.)
Како чауш и башчауш во јаничарските редови Мехмед во неколку крвави борби во Персија и Анадолија се одликува со вонредна храброст и јунаштина, а особено со војнички способности и многу придонесе за успешниот исход на борбите.
„Калеш Анѓа“
од Стале Попов
(1958)
Во овие часови се решава исходот од битките за акциите што тој ден се котираат, односно нудат и купуваат.
„Патувања“
од Никола Кирков
(1982)
Зарем тој исход не е барем исто толку можен колку и оној со конечното распаѓање.
„Пловидба кон југ“
од Александар Прокопиев
(1987)
Ја открива магичната играчка. Исходот не е познат, дури неважен.
„Пловидба кон југ“
од Александар Прокопиев
(1987)
Исходот од битката има големо значење во текот на војната или за еден дел од нејзините етапи.“
„Небеска Тимјановна“
од Петре М. Андреевски
(1988)
Во војната и секундата, што се вели, го решава исходот.
„Небеска Тимјановна“
од Петре М. Андреевски
(1988)
Републичките претставници хронично молчеа на седниците, секогаш го чекаа исходот.
„Времето на козите“
од Луан Старова
(1993)
Исходот е традиционалното преовладување на доброто над злото, на волното над неволното, на машкото над женското, на говорот над пишувањето, на присуството над отсуството, на проблемот над решението.
„МАРГИНА бр. 4-5“
(1994)
Исходот е многу зборување за философските револуции, револуциите во свеста; овие револуции сепак, не се одразени од ништо што Маркс и Енгелс би го препознале како „материјална основа“.
„МАРГИНА бр. 1“
(1994)
„Ако го познаваш непријателот, а се познаваш и себеси, не мораш да се плашиш за исходот на стотици битки.
„МАРГИНА бр. 21“
(1995)
Ова покажува колку Бојс беше чувствителен за исходот на уметноста и на скулптурата.
„МАРГИНА бр. 11-12“
(1995)
Исходот ќе биде некој вид мешавина чијшто карактер е тешко да се предвиди.
„МАРГИНА бр. 21“
(1995)
Исходот е забележителен: голем квалитет на извршување, вистинско руско уметничко дело кое го поставува прашањето на некаков нов естетизам наспроти изјавите на авангардистите од 70-тите и 80-тите.
„МАРГИНА бр. 11-12“
(1995)
Исходот на ваквата болна потрага беше препознавањето на сопствените посебности и раѓањето на свеста за нив.
„МАРГИНА бр. 11-12“
(1995)
Во меѓувреме, во овој универзум (го цитира својот некогашен ментор кожа крај кожа), ‘квантната теорија е пробабилистичка во предвидувањето на дадениот исход во некој одреден универзум, но е детерминистичка во пропишувањето на оној дел од сите универзуми во кој доаѓа до тој одреден исход’.
„МАРГИНА бр. 34“
(1996)
Денес никој не може да се посомнева во позитивниот исход на нашата атеистичка револуција.
„Атеистички музеј“
од Луан Старова
(1997)
Исходот од посетите и преговорите беше различен, и не секогаш позитивен.
„МАРГИНА бр. 36“
(1997)
Сакаше да го види исходот на сталинизмот и во блиската родна земја.
„Патот на јагулите“
од Луан Старова
(2000)
Скалите веќе не допираа до тој ред, и изгледаше дека овојпат нема исход, излез нема никаков.
„Папокот на светот“
од Венко Андоновски
(2000)
Филозофот се смешкаше загадочно, како и секогаш кога сите мислеа дека сѐ е загубено, а тој исход чудесен наоѓаше, од ништо нешто сочинуваше.
„Папокот на светот“
од Венко Андоновски
(2000)
