закован прид.
закове св.

закован (прид.)

А Неда со закован поглед в кој омраза — молња се крие гледа во водачот бледа.
„Сердарот“ од Григор Прличев (1860)
- И не доаѓам! – рече Николче и седна на место како закован и продолжи: - Ќе сум одел јас да му бацувам рака на едно јатаче.
„Луман арамијата“ од Мето Јовановски (1954)
Суви заковани штици. Немиот крик расте и се заканува да го минира однатре, да го разбие на атоми.
„Две Марии“ од Славко Јаневски (1956)
Девојчето стоеше до праската, со очи заковани за врвот на највисокото гранче.
„Билјана“ од Глигор Поповски (1972)
Племето Сизифово заковано за припекот на ридот учи да слегува кон славејот на јазот кон ситото на полето.
„Липа“ од Матеја Матевски (1980)
Кога ненадејно се појави на вратата од нашата спална, ние сите, од ред останавме како заковани на своите места.
„Големата вода“ од Живко Чинго (1984)
Само павкаат ко да се заковани на небото.
„Небеска Тимјановна“ од Петре М. Андреевски (1988)
А закована, ако мрдаш, повеќе боли.
„Небеска Тимјановна“ од Петре М. Андреевски (1988)
Може наместо да останам закована.
„Небеска Тимјановна“ од Петре М. Андреевски (1988)
Одамна заковани за планината, немоќни да слегуваат во долината, старите ја примија Мила како свое чедо.
„Времето на козите“ од Луан Старова (1993)
По белите ѕидови немаше апостоли и ангели, туку со крфии заковани кадра на некои чичковци со строги погледи од зад големи окалки, а на местото од милата Богородица, една женичка во годините на мајка ѝ застаната на средината од ѕидот и со голема тетратка во рацете од каде ги вадеше имињата на децата.
„Црна билка“ од Ташко Георгиевски (2006)
Закатанчено и заковано во морски јазли јазлосано со појас на невиност опашано ниту да мрдне, ниту да писне.
„Сонце во тегла“ од Илина Јакимовска (2009)
Сликата на закована домаќинка што ја имаше во ликот на својата мајка катаден ѝ беше пред очите.
„Последната алка“ од Стојан Арсиќ (2013)
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК