егоизам (м.)
Ако одговорот на прашањево е одречен, тоа значи дека егоизмот и идентитетот се разрешуваат во претставата на поединецот што постои само на начин да го порекнува ближниот свој.
„МАРГИНА бр. 21“
(1995)
Планетарен трибализам Иако во Источна Европа е посебно очигледна, наклонетоста кон трибализмот може да се согледа во целиот свет: сосема јасно во Африка, но и во САД, кадешто Движењето за политичка коректност учествува во истата тенденција кон егоизмот на идентитетот.
„МАРГИНА бр. 21“
(1995)
Сега се заканува трибализмот, или мислењето од стојалиште на припадност на племето, значи, тенденција кон егоизам и волја да се дефинираме порекнувајќи го другиот.
„МАРГИНА бр. 21“
(1995)
Но ваквата претстава во голема мера е утописка и нејзиното остварување е невозможно поради силите на инерцијата, ентропијата, апокалиптичниот тестамент и партикуларниот егоизам.
„МАРГИНА бр. 26-28“
(1996)
Во нивната болна потреба за поседување. За надмоќ. Во нивниот драстичен егоизам.
„Омраза - длабоко“
од Драгица Најческа
(1998)
Да не треба поради твојот детски егоизам дома со синџири да бидам заврзана и постојано да ви стојам на располагање? Како робовите, а?
„Игбал, мојата тајна“
од Јагода Михајловска Георгиева
(2000)
Најчесто во името на среќата на сите, се задоволува личниот егоизам, особено амбицијата низ илузијата да се остане во историјата, да се обезбеди место во вечноста без оглед на жртвите крај боговите...
„Амбасади“
од Луан Старова
(2009)
Егоизмот прерасна во колективна болест.
„Двоглед“
од Горан Јанкуловски
(2011)
Филозофирање, во однос на животните потреби на другите, со цел да се насочи егоизмот во алтруизам.
„Читај ми ги мислите“
од Ивана Иванова Канго
(2012)
Материјалните работи и сите други задоволувачи на сетилата, кои се од земска природа, се грешни. Водат кон зло и егоизам.
„Читај ми ги мислите“
од Ивана Иванова Канго
(2012)
Најлошите карактерни особини, егоизам, нарцисоизам, љубомора, завист, огорченост спрема другите, тие се како црви кои ја поткопуваат нашата душа, најтемни демони кои ќе ја уништат секоја келија во нашиот систем во кој останало уште малку добрина.
„Жонглирање со животот во слободен пад“
од Сара Трајковска
(2012)
Исполнет со егоизам, пресметливост, неодлучност, неспособност да ги изрази своите мисли и чувства на вистинскиот начин во вистинскиот момент.
„Читај ми ги мислите“
од Ивана Иванова Канго
(2012)
